Aktorja shqiptare, Fiona Gllavica, nëpërmjet një postimi në Instagram e ka kujtuar nënën e saj e cila sot ka mbushur 6 vite që është larguar nga kjo botë, shkruan lajmi.net.

Ajo ka prekur zemrat e të gjithëve pasi pranë fotografive ku shkroi disa fjalë për të e ka përmendur faktin se sivjet do ta sjell në jetë fëmijën e saj të parë e po e bën gjyshe.

“Është e papërshkrueshme veç ideja se duhet të shkruaj për një mungesë që se ka fundin në tokë e as qiell. Veç ëndërrtart’ e dijnë se sa e pa prekshme është dhimbja e të jetuarit me zemrën gjysmë, pa zërin që mrekullon qetësinë dhe shikimin përkëdhelës të nanës.

S’kam guxuar ende ta quaj botën mizore, sepse kujtimi yt dhe vepra yte i ka dhënë rrugëve të jetës dashninë e paramendume. S’guxoj të bërtasë për boshllëqet sepse kam mësuar nga më e mira, që zemrat duhet të rrahin në plotësi edhe në ditët me shi.

Më mungon nanë, u bë kaq kohë…

Të kujtoj nanë, çdo ditë, edhe të flasë e të shënoj në vargje dedikime jete.

I paharruar, i lehtë si era, i bardhë si pendët e pëllumbave të paqes vie edhe ky vjetor i ikjes tënde që numëron përpjekjet e mia për të të gjetur në të lumturën.

Të dua fort nanë, Po të bëj gyshe këtë vit. Bebushi do të fle i qetë sepse përkundet nga krahët e engjullit.

6?”, ishin fjalët e aktores shqiptare.